सर्वप्रथम केक ला लागणारे सर्व साहित्य तयार ठेवून एका चाळणी मध्ये कणिक, मीठ,कोको पावडर व पिठीसाखर,बेकिंग सोडा एकत्र करून चाळून घ्यावे.चाळून घेतल्यामुळे आपले केकचे साहित्य हलके होते.

आता एका छोट्या भांड्यामध्ये दोन टेबलस्पून पाणी. त्यामध्ये कॉफी पावडर टाकून ढवळून घ्यावे. आता या मिश्रणामध्ये व्हेनिगर,तेल घालून एकजीव ढवळून घ्यावे.गाळलेल्या कणिक मिश्रणामध्ये कॉफी,विनेगर चे मिश्रण घालून केकचे बॅटर तयार रिबन सारखे करून घ्यावे.हे बॅटर पूर्वीच ग्रीसिंग करून मैदा भुरकवलेल्या भांड्यामध्ये हळुवारपणे घालावे.

पूर्वीच कढई गरम करायला ठेवलेली आहे.त्यामध्ये मीठ घालून एक इंच स्टॅन्ड ठेवलेले आहे.त्यामध्ये बॅटर घातलेले भांडं ठेवून हाय फ्लेमवर गॅस करून झाकण ठेवावे. हाय फ्लेमवर दहा मिनिट ठेऊन नंतर 25 मिनिटे मंद गॅस करावा. त्यानंतर टुथपिक किंवा सुरीने चेक करून घ्यावे.सुरी स्वच्छ बाहेर निघाल्यास आपली केक तयार झाली असे समजून गॅस बंद करावा व लगेच केकला थोडेसे दुधाने ब्रश करून पाच ते सात मिनिट गार होण्यासाठी ठेवावे.

आता डार्क चॉकलेट एका भांड्यामध्ये घेऊन डबल बॉयलर मध्ये पातळ करून घ्यावे. हे पातळ झालेले मिश्रण थोडे केक वर पसरवून घ्यावे व थोडे बाजूला ठेवावे व ही केक दहा मिनिटांसाठी फ्रीजमध्ये ठेवावी.

दहा मिनिटानंतर केक वर छोट्या चाळणीने कोको पावडर भुरकवावे. आता बाजूला ठेवलेले डार्क चॉकलेट चे मिश्रण व फ्रेश क्रीम एकत्र मिक्स करावे.