सर्वप्रथम चण्याची डाळ शिजवण्यासाठी एका पातेल्यात ५ कप पाणी उकळत ठेवा।चणा डाळ १ कप घेतल्याने तिच्या ५ पट पाणी घ्या.पाण्याला उकळी आली की त्यात भिजवलेली डाळ आणि हळद घालून मंद ते माध्यम आचेवर झाकण घालून शिजू द्या.पोळ्यांसाठी पीठ भिजववायला घ्या.. मैदा, गव्हाचे पीठ आणि मीठ घालून एकत्र मिसळून घ्या. १ टेबलस्पून तेल घालून पिठात चांगले रगडून घ्यावे जेणेकरून पोळ्या खुसखुशीत होतात.

थोडे थोडे पाणी घालून पोळ्यांची कणिक चांगली तिंबून घ्या. फार जास्त मऊ किंवा घट्ट असे पीठ मळू नये. पीठ जरासं मुलायम झाले कि त्याला २ टीस्पून तेलाचा हात लावून चांगले रगडून घ्या. मग त्याचे छोटे छोटे गोळे करून तेलामध्ये १ तासभर तिंबवून ठेवा.

चण्याची डाळ मंद आचेवर अर्ध्या तासात शिजते. डाळीचा दाणा हाताने दाबून बघा. लगेच पिठुळ झाला तर समजावे कि डाळ शिजली. डाळ चाळणीत काढून तिचे उरलेले पाणी म्हणजेच "कट" वेगळा बाजूला काढा. पुरण शिजवण्यासाठी एका कढईत १ टेबलस्पून तूप घालून त्यात शिजलेली चण्याची डाळ (गरम असतानाच) घालावी आणि बरोबरच किसलेला गूळ आणि साखर घाला. मंद ते माध्यम आचेवर गूळ पूर्ण विरघळू द्या.

मंद ते माध्यम आचेवर गूळ पूर्ण विरघळू द्या. पुरण शिजेपर्यंत वेलच्या आणि जायफळ खलबत्त्यात कुटून किंवा मिक्सरमधून फिरवून बारीक पावडर करून घ्या. १५ मिनिटांत पुरण शिजत आले की त्यातील गुळाचा आणि साखरेचा रस आटत येऊन डाळीत एकजीव होतो. पुरण शिजले कि नाही हे पाहण्यासाठी त्याच्या मधोमध कढईत एक चमचा उभा करून ठेवा. जर तो चमचा नीट उभा राहिला तर समजावे कि पुरण शिजले! या उप्पर पुरण शिजवू नये नाहीतर पुरण कोरडे पडून ते पिठात भरता येणार नाही.

मुरलेल्या पीठाच्या गोळ्याची मोदकासारखी पारी करून त्यात पिठाच्या गोळ्याच्या आकारापेक्षा थोडा जास्त पुरणाचा गोळा घेऊन दाबून भरत जा. नीट बंद करून हाताने चपटा करून पोळी लाटण्यास सुरुवात करावी.

नीट बंद करून हाताने चपटा करून पोळी लाटण्यास सुरुवात करावी. तवा मध्यम आचेवर गरम करून पोळी दोन्ही बाजूंनी भरपूर तूप घालून खरपूस गुलाबी करड्या रंगावर भाजून घ्यावी. या पोळ्या खुसखुशीत तर बनतातच परंतु ५-६ दिवस बाहेर ठेवून सुद्धा खराब होत नाहीत.

आता कटाची आमटी करायला घेऊया. पूरणपोळीसाठी कटाची आमटी हवीच ना. वर दिल्याप्रमाणे सर्व साहित्य प्लेटमध्ये काढून घ्या. एका भांड्यात तेल गरम करा. गरम तेलात सर्व खडे मसाले, कडिपत्त्ता, मोहरी, हिंग, जीरं टाकून परतून घ्या.

आता गॅस बंद करून सर्व मसाले टाका जेणेकरून आपली फोडणी करपणार नाही. तेलामध्ये लाल, हळद, गोडा मसाला टाकून परतून घ्या. आता बाजूला काढून ठेवलेला कट घालून ढवळून घ्या. आता गॅस चालू करा. एक मिनिट झाकण ठेवून आमटी उकळू द्या. एक मिनीटाने त्यात वाटलेले सुकं खोबरं, गूळ,चिंचेचा कोळ टाकून परत एक-दोन मिनिटे आमटी शिजू द्या. गरम गरम पोळी कटाच्या आमटी बरोबर सर्व्ह करा.