कढईत तूप घालून त्यात रवा हलक्या गुलाबी रंगावर परतून घ्यावा. भाजलेला रवा बाजूला काढून ठेवावा.

त्याच कढईमध्ये फोडणीसाठी तेल गरम करून त्यात,राई जीरे,उडीद डाळ व हिंग परतावा.त्यावर काजूचे तुकडे परतून घ्यावी. आच मध्यम असावी.नंतर कांदा गुलाबी रंगावर परतून घ्यावा. त्यावर टोमॅटो व कोथिंबीर परतावी.

कढीपत्ता व हिरवे वाटणे,गाजर परतावे.थोड पाणी घालून शिजवून घ्यावे.नंतर त्यात एक कप पाणी व चवीनुसार मीठ घालून एक उकळी आणावी.

आता त्यात भाजलेला रवा घालावा व चांगले ढवळावे (गुठळी राहू देऊ नये). झाकण ठेवून मंद आचेवर एक वाफ आणावी. उपम्यावर लिंबू पिळून,कोथिंबीर व खोबर घालून गरम गरम खायला द्यावे.