बालुशाही बनविण्यासाठी, मैदा बेकिंग पावडर आणि बेकिंग सोडा चाळणीने चाळून घ्यावा. त्यामध्ये किंचित मीठ घालावे. एक किलो मैदा असल्यास, एक पाव तूप मैद्यामध्ये मिक्स करून घ्यावे. तसेच एक पाव दही पण मिक्स करून घ्यावे.

तूप आणि दही मिक्स केलेल्या मैद्यामध्ये आवश्यकतेनुसार पाणी घालून त्याचा घट्ट गोळा तयार करून घ्यावा, आणि दहा ते पंधरा मिनिटात करिता झाकून ठेवावे. नंतर त्याच्या बालुशाही तयार करून घ्याव्यात.

गॅस वर तेल हलके गरम झाले की, सर्व बालुशाही मंद आचेवर,खमंग बदामी रंगाची होईपर्यंत तळून घ्याव्यात.

पाक तयार करण्यासाठी, कढईमध्ये साखर घालावी. साखर बुडेपर्यंत पाणी घालावे. आणि सतत ढवळून घ्यावे. साखरेचा साखर पाक तयार करून घ्यावा. तळलेल्या बालुशाही गरम पाकामध्ये घालाव्यात. सात ते दहा मिनिटे पाकामध्ये मुरायला ठेवाव्यात.