चवळी निवडून स्वच्छ धुवून घ्यावी. कुकरमध्ये तीन शिट्या देऊन शिजवून घ्यावी.

कांदा, टोमॅटो, कोथिंबीर चिरून घ्यावे. लसूण ठेचून घ्यावा.

गॅसवर मध्यम आचेवर एका पॅन मध्ये तेल घालावे. तेल गरम झाल्यावर त्यात राई, जीरे, लसूण घालावे. ते तडतडल्यावर त्यात कांदा घालावा. कांदा गुलाबी झाल्यावर त्यात टोमॅटो घालून परतून घ्यावे.

एका प्लेट मध्ये शिजवलेल्या चवळ्या कुस्करून ठेवाव्यात. टोमॅटो तेल सोडायला लागल्यावर त्यात शिजवलेली चवळी घालावी. ढवळून घ्यावे. त्यात कुस्करलेली चवळी, सर्व मसाले, मीठ घालून सर्व एकत्र ढवळून घ्यावे. त्यात आवश्यक तेव्हढे पाणी घालूनभाजी शिजवून घ्यावी. दहा मिनिटांनी चवळीची भाजी (उसळ)तयार. वरून कोथिंबीर व मिरची घालून भाजी सजवावी. भात, पोळी किंवा भाकरी बरोबर सर्व्ह करावी.