पालक स्वच्छ धुवून बारीक चिरून घ्यावा. कांदा, टोमॅटो, मिरची चिरून घ्यावी. तुरीची डाळ शिजवून घ्यावी.लसूण सोलून बारीक चिरून घ्यावा.

पालक कुकर मधून दोन शिट्या देऊन शिजवून घ्यावा.थंड झाल्यावर पळीने घोटून घ्यावा.

गॅसवर मध्यम आचेवर पॅन ठेवून त्यात तेल घालावे. तेल तापल्यावर त्यात लसूण मिरची घालावी. लसूण लालसर झाल्यावर त्यात कांदा घालून परतून घ्यावा. नंतर त्यात टोमॅटो घालावे हळद मीठ घालावे.

टोमॅटोतून तेल सुटायला लागल्यावर त्यात पालक घालून ढवळून घ्यावे. त्यात शिजलेली तुरीची डाळ घोटून घालावी. सर्व एकत्र करून ढवळून घ्यावे. पाच मिनिटांनी गॅस बंद करावा. पालक भाजी तयार.गरम गरम फुलका किंवा पोळी बरोबर सर्व्ह करावी