गॅसवर एका पसरट भांड्यात दूध टाकून ते आटविण्यास ठेवावे. दूध गरम झाल्यावर त्यात साखर टाकावी आणि 4-5 मिनिट उकळू द्यावे.

तोपर्यंत 1/2 कप कोमट दुधात, दोन टेबलस्पून custard powder टाकून मिक्स करून घ्यावे.

मिक्स करताना त्यात गुठळ्या होऊ देऊ नये. त्यानंतर दुधाखालचा गॅस कमी करून, त्यात, थोडे थोडे कस्टर्द पावडर चे मिश्रण टाकावे. त्यावेळी सतत ढवळत राहावे.

साधारण घट्ट झाले, की गॅस बंद करून दुधाचे मिश्रण थंड करावा. थंड करतानाही सतत ढवळत राहावे. आता हे थंड मिश्रण एका मिक्सर च्या भांड्यात टाकावे.

त्यात 3 टेबलस्पून घट्ट ताजी साय टाकावी आणि मिक्सर मधून फिरवून घ्यावे. आता आईस्क्रीम चा बेस तयार आहे. मी दोन प्रकार केले आहे. म्हणून दोन वेगवेगळ्या हवाबंद डब्यात हे मिश्रण टाकले.

एक प्लेन व्हॅनिला, आणि दुसरे केसर ड्रायफ्रूट्स.. त्यामुळे एका डब्यात मी काजू बदाम, पिस्ता काप, आणि केसर टाकले. आणि दोन्ही डबे बंद करून 8*9 तासांसाठी, फ्रीझर मध्ये ठेवावे.

आता ते उघडल्यावर मस्त क्रिमी, आईस्क्रीम तयार... सर्व्ह करा आता छान आवडीनुसार सजावट करून.😀

तेव्हा घ्या आस्वाद थंडगार आईस्क्रीम चा😋