१ कांदा उभा कापून घेतला, आणि दुसरा कांदा बारीक चिरून घेतला. टोमॅटो, कोथिंबीर बारीक चिरून ठेवली. लसूण पाकळ्या आणि आल्याचे बारीक तुकडे करून घेतले.

कूकर गरम करून त्यात तेल तापायला ठेवलं. तेल तापलं कि त्यात कांदा तळून घेतला. १ चमचा काळे / पांढरे तीळ घातले. तळताना थोडं मीठ घातलं त्यामुळे कांदा कुरकुरीत होतो.

तळलेला कांदा बाजूला काढून घेतला. त्यातच कुकर मध्ये पुन्हा थोडं तेल तापवून ५-६ कढीपत्ता पाने, १ लाल सुकी / बेडगी मिरची, १ चमचा बडीशेप, १ चमचा धणे, १ वेलची, ३-४ काळीमिरी, ४-५ लवंगा, १ इंच दालचिनी तुकडा घालून परतून घेतलं. खाद्य मसाल्याचा सुंगंध दरवळला कि त्यात कापलेल्या लसूण पाकळ्या आणि आलं परतून घेतलं.

बारीक चिरलेला कांदा घालून परतून घेतला. कांदा मऊ पडून गुलाबीसर होईपर्यत शिजू दिला.

कांदा शिजला कि चिरलेला टोमॅटो घातला, तो मऊ पडेपर्यन्त मिश्रण शिजू दिल.

किसलेलं खोबर घातलं. १ चमचा मीठ टाकून मिश्रण एकजीव केलं.

गॅस बंद करून मिश्रण थंड होऊ दिलं. थंड झालेल्या मिश्रणात बारीक चिरलेली कोथिंबीर मिक्स केली.

हे मिश्रण मिक्सर ला लावून बारीक वाटण करून घेतलं.

कुकर मध्ये पुन्हा २ चमचे तेल तापत ठेवलं. त्यात वाटण घातलं. अर्धी वाटी पाणी घालून मिक्सर मधलं सगळं वाटण कुकर मध्ये घेतलं. वाटण थोडं उकळायला लागलं कि त्यात २ चमचा लाल तिखट मसाला, १ चमचा बिर्याणी / चिकन मसाला,अर्धा चमचा हळद पावडर, १ चमचा धने पाउडर, १ चमचा जीरे पाउडर टाकलं. आणि झाकण ठेवून एक उकळी येऊ दिली.

कुकर थंड झाला कि मिठाचं प्रमाण चाखून पाहायचं. गरज असल्यास मीठ टाकायचं. परत एक चिकन ला उकळी काढायची.