अख्खा मसूर रात्री भिजून ठेवून सकाळी उपसून घेतला. फोडणीसाठी कुकरमधे तेल घालून गरम झाल्यावर त्यात जीरे घालून तडतडल्यावर बारीक चिरलेला कांदा घालून चांगला ब्राऊन होईपर्यंत परतून त्यात आलं लसूण पेस्ट, हळद, तिखट पूड आणि मीठ घालून परतून घेतले.

भिजवलेला अख्खा मसूर, ४ कोकम आणि पाणी घालून मिक्स केले. झाकण लावून एक शिटी काढून मसूर शिजवून घेतला.

शिजलेल्या अख्खा मसूरला परत वरुन चमचमीत फोडणी देण्यासाठी कांदा आणि लसूण बारीक चिरले. कढई मधे तेल घालून त्यात जीरे तडतडल्यावर कडिपत्ता पाने, सुक्या मिरच्या आणि बारीक चिरलेली लसूण घालून ब्राऊन होईपर्यंत परतले मग कांदा घालून खरपूस परतला नंतर त्यात घरगुती मसाला, कांदा लसूण मसाला, गरम मसाला आणि मीठ घालून परतले.

मसाले करपू नये म्हणून त्यात शिजलेल्या मसूर मधले थोडे पाणी घातले मग त्यात कसूरी मेथी आणि घरची २ टेबलस्पून मलाई घालून मिक्स केले. कसूरी मेथी आणि मलाई घातल्यामुळे ढाबा स्टाईल टेस्ट येते.

वरील ढाबा स्टाईल फोडणी शिजवलेल्या अख्खा मसूर मधे घालून मिक्स केली. आणि बारीक चिरलेली कोथिंबीर घातली.