प्रथम गाजर स्वच्छ धुऊन घ्या व त्याची साले काढून किसून घ्या.

गॅसवर एका पॅनमध्ये दीड टी स्पून तूप टाका. वरील किसलेले गाजर त्यात टाकून पाच ते सात मिनिटे परतत राहा. त्याचा रंग बदलतो. त्यातील पाणी कमी होत आल्यावर त्या किसात साखर टाका व परतत रहा.

थोडेसे घट्ट होत आल्यावर त्यात खवा टाकून परता. नंतर त्यात घट्ट साय व दूध टाका. मिल्क पावडर टाकुन पुन्हा परता. घट्ट होत आल्यावर गॅस बंद करा व वेलची पावडर टाकुन मिश्रण ढवळून घ्या. आठ ते दहा केशराच्या काड्या वरतून पेरा. वेलची पावडर व केशराचा सुरेख सुगंध येतो.

काजू-बदामाचे काप करा. एका छोट्या तडका कढईत तूप टाकून ते गरम झाल्यावर त्यात काजू, बदाम, बेदाणे क्रमाने तळून काढा. हे सर्व ड्रायफ्रूट तळल्यामुळे अत्यंत चवीला खमंग लागतात व त्याला एक प्रकारचा ग्लेज येतो.