प्रथम 150 ग्रॅम तोंडली स्वच्छ पाण्याने धुऊन घेतली. आणि उभी कापून घेतली.

नंतर एका कढईत 2 चमचे तेल घालून ते गरम झाल्यावर त्यात 1 छोटा चमचा मोहरी घातली. मोहरी तडतल्यावर त्यात 1 मोठा कांदा बारीक चिरून घातला.

कांदा चांगला परतून घेतल्यावर त्यात 1छोटा चमचा हळद, 1मोठा चमचा लाल तिखट मसाला आणि 2 चमचे वाटून घेतलेला मसाला घालून तो चांगला परतून घेतला.

मग त्यावर मोड आलेली मटकी व तोंडली घालून चांगले मिक्स करून, परतून घेतले. आणि त्यात एक मोठा ग्लास पाणी घालून, भाजी शिजवून घेतली.

नंतर त्यात मीठ आणि 1 टोमॅटो बारीक चिरून घातला. भाजी चांगली परतून पुन्हा एकदा 10 मिनिटे शिजवून घेतले.

आता सर्व्ह करण्यासाठी तयार आहे, आपली गरमा गरम मटकी तोंडलीची मिक्स भाजी खाण्यासाठी तयार. ही भाजी पोळी बरोबर किंवा भाकरी बरोबर खूप छान लागते.