दाणे,तीळ, खसखस व खोबरं मिक्सरमध्ये बारीक करावे. बेसनपिठामध्ये कॉर्नफ्लोर घालून एकजीव करावे त्यामध्ये हातावर चोळून ओवा, मीठ, हळद व एक चमचा तेल घालून सगळं एकजीव करून लागेल तसं पाणी घालून छान पुरीसारखं घट्ट मळून ठेवावे

कढई गॅसवर ठेवून त्यामध्ये तेल घालावे त्या मध्ये हिंग मोहरी जिरं व आलं लसूण घालून छान परतावे त्यामध्ये हळद तिखट मसाला व बारीक केलेलं दाण्याचं मिश्रण घालून छान परतावं त्यामध्ये मीठ साखर व आमचूर पावडर घालावी व शेवटी कोथिंबीर घालून एक मिनिटासाठी परतावं व गॅस बंद करावा

हे सर्व मिश्रण थंड करत ठेवावं तोपर्यंत पीठ छान मळून घ्यावं व त्याचे छोटे छोटे गोळे करून ठेवावेत

छोट्या गोळ्याची पुरी लाटून त्यामध्ये चिंचेची चटणी लावावी वरील मिश्रण ठेवून त्याला दुमडून त्याची पुडाची वडी तयार करावी अशात सर्व पुऱ्या लाटून सर्व वड्या तयार करून घ्याव्यात

तेल तापत ठेवून ते गरम झाले की गॅस बंद करावा वरील सर्व पुडाच्या वड्या मंद गॅसवर सोनेरी रंगावर तळून घ्यावे ह्या खूप टेस्टी आंबट गोड तिखट व खूप छान कोथिंबीर चा सुवास येतो खूप टेस्टी होतात