प्रथम 1 नारळ फोडून घेतला. आणि किसून घेतला.

मग 1/4, किलो गूळ किसून घेतला. आणि नारळाचा किस, गूळ एकत्र करून घेतले.

नंतर एका कढईत थोडे तूप घालून त्यात गूळ खोबऱ्याचे सारण घालून ते चांगले मिक्स करून घेतले. आणि चांगले शिजवून घेतले. सारण शिजत असताना त्यात वेलची पावडर आणि जायफळ पावडर घालून चांगले मिक्स करून घेतले. आणि तयार झालेले सारण एका बाउल मध्ये काढून घेतले.

मग एका कढईत पाणी घालून ते चांगले गरम झाल्यावर त्यात थोडे मीठ, थोडे तूप घालून त्यात तांदळाचे पीठ घालून ते चांगले मिक्स करून, त्यावर झाकण ठेवून एक वाफ आल्यावर, गॅस बंद करून घेतला. 5 मिनिटांनी गरम पिठ थोडे थोडे काढून चांगले मळून घेतले.

नंतर मळून घेतलेल्या पांढऱ्या पिठाच्या छोटे छोटे गोळे करून घेतले. मग थोड्या मळलेल्या पिठात खायचा हिरवा रंग घालून त्याचे छोटे छोटे गोळे करून घेतले. तसेच मळलेल्या पिठात भगवा रंग घालून त्याचे भगवे गोळे करून घेतले.

मग प्रत्येक वाटीमध्ये सारण भरून घेतले. आणि (उकडलेल्या पिठाच्या करंज्या त्याला शेंगा असे म्हणतात.) अश्या रीतीने पांढऱ्या, हिरव्या आणि भगव्या रंगाच्या करंज्या बनवून घेतल्या.

मोदक पात्र थंड झाल्यावर त्यातील रंगीत करंज्या काढून घेतल्या. आणि आता सर्व्ह करण्यासाठी तयार आहेत आपलया 75 व्या स्वातंत्र दिनाच्या, आपल्या झेंड्याच्या रंगातील तीन रंगाच्या रंगीत करंज्या.