अळूवडीसाठी भिजवलेले तांदूळ चणाडाळ मुग वाटून घ्यावे त्यात खोबरं सुकी मिरची धने, चिंच-गुळ ह्याचे वाटण घालून मीठ घालून अळूच्या पानावर पसरून नेहमीप्रमाणे वळकटी करून अळूवडी शिजवून घ्यावी त्याबरोबरच इडली आहे शिजवून घ्याव्यात.

नंतर बासमती तांदूळ रवा तुपामध्ये परतून त्याबरोबरच ड्रायफ्रूट्स परतून घ्यावे आणि दुधाबरोबर शिजवून घ्यावेत त्यात आवडीप्रमाणे साखर आणि वेलची पावडर घालून खीर तयार करून घ्यावी.

उभ्या चिरलेल्या तोंडली आणि बटाट्याला फोडणी घालण्यासाठी कढईत एक पळी तेल त्यात राई अर्धा चमचा तीन सुक्या मिरच्या कापून पंधरा-वीस कढीपत्त्याची पानं पाव चमचा हिंग ही फोडणी तडतडल्यावर भाजी घालून, मीठ घालून पाणी न घालता मंद आचेवर झाकून ठेवावी. पाच मिनिटानंतर भाजी शिजल्यावर त्यात दोन-तीन चमचे ओलं खोबरं टाकून दोन मिनिटे झाकून छान भाजी तयार करून घ्यावी.

कारल्याच्या भजीसाठी, कारल्याच्या चकत्यांना तांदळाचे पीठ आणि लाल तिखट आणि मीठ लावून थोडा वेळ ठेवून गरम तेलात मध्यम आचेवर छान कुरकुरीत भजी तळून घ्यावित.

घारीसाठी उडदाची भिजवलेली डाळ जाडसर वाटून त्यात भाजलेल्या जिऱ्याचं क्रश अर्धा चमचा, पाव चमचा हिंग व मीठ घालून नीट मिक्स करून गोल गोल वडे तेलात तळून घ्यावे

उंबरासाठी- १ वाटीजाडसर गव्हाचे पीठ वेलचीपूड, एक केळं,थोडा गुळ आणि मीठ, दोन चिमटी खायचा सोडा हे घट्टसर मिक्स करून त्याची उंबरं तुपात तळून घ्यावे.

शिजवलेल्या तूर डाळीला चांगलं घोटून. भांड्यात एक पळी तेल त्यात राई, सुकी मिरची तोडून, दोन पंधरा वीस कढीपत्त्याची पानं आणि हिंग टाकून शिजलेली डाळ त्यावर टाकून हवं तितकं पातळ करून उकळ काढून घ्यावे. वरण तयार.

पुरी साठी घट्ट मळलेल्या पिठाच्या पुऱ्या लाटून गरम तेलात तांबूस रंगात तळून घ्याव्यात.

मॅरीनेट केलेल्या बांगड्याला बारीक रव्यात घोळवून पॅनमध्ये थोडं तेल टाकून छान शॅलो फ्राय करून घ्यावे.

आमसुलाच्या चटणीसाठी असलेले साहित्य -खोबरं, जिरं आमसूल,मीठ, साखर,मिक्सरमध्ये फिरवून घ्यावे छान गुलाबी रंगाची चविष्ट अशी आमसुलाची चटणी तयार इडली बरोबर वाढण्यासाठी.