चुक्याची भाजी स्वच्छ धुऊन भाजी तयार करण्यासाठी चुक्याची पाने, कोवळ्या फांद्या व खोड घेऊन बारीक चिरावी. चिरलेले आंबट चुक्याची भाजी,शेंगदाणे व हरभरा डाळ एकत्र करून कुकरमध्ये एक शिट्टी घेऊन शिजवून घ्यावी.

कुकर थंड झाल्यावर भाजी रवीने ढवळून घेऊन त्यामध्ये पाण्यात कालवलेले बेसन पीठ त्यामध्ये घालावे व नीट मिक्स करून घ्यावे. सुके खोबरे, आले, लसूण वाटून घ्यावे.

कढईमध्ये तेल घालून, मोहरी, हिंग,जिऱ्याची फोडणी करून त्यात खोबरे आले-लसूण वाटण घालावे. शिजवलेली चुक्याची भाजी, डाळ व शेंगदाणे घालावेत. नंतर चवीनुसार मीठ आणि गूळ घालून मंद आचेवर चांगली उकळी येईपर्यंत भाजी शिजू द्यावी. मधूनमधून भाजी हलवावी.

आजारातून उठल्यावर तोंडाला चव येण्यासाठी ही भाजी अवश्य खायला हवी.