सर्व डाळी एकत्र करून त्या स्वच्छ धुवून घ्याव्यात. कैरी चिरून घ्यावी..

एका भांड्यात डाळी आणि कैरी एकत्र करून, त्यात गरजेनुसार पाणी टाकून कुकर मध्ये शिजवून घ्यावे. कुकर थंड झाल्यावर तयार वरण घोटून घ्यावे.

आता गॅसवर एका कढईत तेल तापवून त्यात जीरे मोहरी टाकून ते तडतडल्यावर त्यात कढीपत्ता, मिरची टाकावी. कांदा, आले लसूण पेस्ट टाकावी.

कांदा सोनेरी झाल्यावर त्यात, हळद, तिखट, धणे पूड, मसाला. आणि चवीनुसार मीठ, गुळ घालून मिक्स करावे.

आता त्यात घोटलेले वरण टाकावे. गरजेप्रमाणे पाणी टाकून चांगल्या दोन उकळ्या काढून घ्याव्यात. कोथिंबीर टाकावी.

आता कैरीचे मिश्र डाळींचे आंबट गोड वरण तयार आहे. गरम वरण, गरम भाकरी किंवा पोळी,भातासोबत छान वाटते.