கராச்சி அல்வா

ஒரு கப் கார்ன்ஃப்ளோரை இரண்டு கப் தண்ணீர் சேர்த்து கரைத்து வைக்கவும்.

இரண்டு கப் தண்ணீரை அடி கனமான பாத்திரத்தில் ஊற்றி கொதிக்க வைக்கவும்.

தண்ணீர் கொதித்ததும் கரைத்து வைத்துள்ள கார்ன்ஃப்ளோர் சேர்த்து கை விடாமல் கிளறவும்.

கார்ன் ஃப்ளோர் வெந்து நிறம் மாறியதும் (glossy texture) இரண்டு கப் சீனி சேர்க்கவும்.

சீனி கரைந்ததும் ஒரு மேசைக்கரண்டி நெய் சேர்த்துக் கிளறவும்.

அவ்வப்போது ஒரு மேசைக்கரண்டி நெய் சேர்த்துக் கிளறவும்.

சிட்டிகை குங்குமப்பூவை ஒரு மேசைக்கரண்டி வெதுவெதுப்பான பாலில் ஊறவைத்து சேர்க்கவும்.

அல்வா நன்கு சுருண்டு பாத்திரத்தில் ஒட்டாமல் வரும்போது இறக்கி ஒரு தட்டில் பரத்தவும்.