தக்காளி சாதம்

தக்காளி, வெங்காயம், மல்லித்தழை இவற்றை சிறிய துண்டுகளாக நறுக்கி கொள்ளவும்.பச்சை மிளகாயை நீள வாக்கில் நறுக்கிக் கொள்ளவும்.

கடாய் அடுப்பில் வைத்து எண்ணெய் ஊற்றி சூடானதும் அதில் பச்சை மிளகாய், ஜீரகம், பட்டை, கிராம்பு, கறிவேப்பிலை போட்டு தாளித்த பிறகு அதில் நறுக்கிய வெங்காயம், பூண்டு சேர்த்து பொன்னிறமாகும் வரை வதக்கவும்.

பின்னர் இதனுடன் நறுக்கிய தக்காளி, மிளகாய் பொடி, மஞ்சள் பொடி மற்றும் உப்பு சேர்த்து பச்சை வாசனை மாறும் வரை வதக்க வேண்டும்.

தக்காளி நன்கு வதங்கியதும் சிறிது தண்ணீர் ஊற்றி நன்கு வேக வைக்கவும்.

தக்காளி நன்றாக வெந்து தொக்கு பதத்தில் வரும் போது கடாயை அடுப்பில் இருந்து இறக்கி அதில் உதிரியான சாதத்தை கலந்து நன்கு பிரட்டி, அதில் நறுக்கிய மல்லித்தழையை‌ தூவி பரிமாறவும்.

சுவையான தக்காளி சாதம் ரெடி.