தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.பெரிய வெங்காயம் தக்காளி பச்சை மிளகாய் ஆகியவற்றை பொடியாக நறுக்கி வைத்துக் கொள்ளவும். ஒரு கடாயில் 4 டீஸ்பூன் நல்லெண்ணெய் விட்டு காய்ந்ததும் அதில் பட்டை வகைகள் கடுகு கடலைப் பருப்பு சீரகம் சோம்பு சேர்த்து பொரிய விடவும்.பின்னர் பொடியாக நறுக்கிய பெரிய வெங்காயம் பச்சை மிளகாய் கறிவேப்பிலை சேர்த்து நன்றாக வதக்கி விடவும்.பின்னர் தக்காளி சேர்த்து கூடவே மிளகாய்த்தூள் மஞ்சள்தூள் சேர்த்து நன்றாக கலந்து கொள்ளவும்.

தேவையான அளவு உப்பு சேர்த்து நன்றாக கலந்து விட்டு மூடி போட்டு 2 லிருந்து 3 நிமிடங்கள் வேகவிடவும். தீயை மிதமாக வைத்து மூடி எடுத்து இடையிடையே கிளறிவிட்டு வேகவிடவும். தக்காளி நன்றாக மசியும் வரை வேகவிடவும்.தேவை ஏற்படின் மட்டும் தண்ணீர் தெளித்து வேக விடவும்.இல்லை என்றால் தக்காளியில் இருக்கும் தண்ணீர் மற்றும் எண்ணெய் போதுமானதாக இருக்கும்.நன்றாக தொக்கு பதம் வரும் வரை தக்காளியை வேக விட்டு பின்னர் வடித்த சாதம் சேர்த்து நன்றாக கலந்து கொள்ளவும் தேவைப்படின் உப்பு சேர்த்து நன்றாக கலந்து கொள்ளலாம்.

சிறிதளவு கொத்தமல்லி இலை தூவி பரிமாறலாம்.சூடான சுவையான குழந்தைகள் விரும்பி சாப்பிடும் தக்காளி சாதம் லஞ்ச் பாக்ஸ்க்கு தயார்.நன்றி.ஹேமலதா கதிர்வேல்.