முதலில் சின்ன வெங்காயத்தை தோல் உரித்து விட்டு சதுரங்களாக வெட்டிக் கொள்ளவும்.

பச்சை மிளகாயை பொடியாக நறுக்கிக் கொள்ளவும்.

கறிவேப்பிலையை பொடியாக நறுக்கிக் கொள்ளவும்.

கோதுமை மாவு, பச்சரிசி மாவு இரண்டையும் ஒன்றாகக் கலந்து கொள்ளவும்.

இதனுடன் நறுக்கிய வெங்காயம், பச்சை மிளகாய், கறிவேப்பிலை ஆகியவற்றை சேர்த்து, தேவைக்கு உப்பும் சேர்க்கவும்.

எல்லாவற்றையும் நன்றாக மிக்ஸ் பண்ணி சிறிது சிறிதாக தண்ணீர் சேர்த்து சப்பாத்திக்கு பிசைவது போல் உருண்டையாக பிசைந்து கொள்ளவும்.

பிசைந்த மாவில் இருந்து சிறிது சிறிதாக கிள்ளி தட்டில் வைத்துக் கொள்ளவும்.

கடாய் அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும், கிள்ளி வைத்துள்ள பக்கோடாக்களை போடவும்.

ஒரு பக்கம் வெந்ததும் மறித்து போடவும்.மறுபக்கமும் வெந்து பொன்னிறமாகும் போது எடுக்கவும்.

சுவையான கோதுமை பக்கோடா ரெடி.