மீனை நன்றாகக் கழுவி சுத்தம் செய்து கொள்ளவும்

குடம் புளியை அரை கப் தண்ணீரில் ஊற வைக்கவும்.

வெங்காயம், தக்காளி, பச்சை மிளகாய் மூன்றையும் நறுக்கிக் கொள்ளவும்.

மிக்ஸியின் சிறிய ஜாரில் நறுக்கிய வெங்காயம், தக்காளி, பச்சை மிளகாய் மூன்றையும், மஞ்சள், மிளகாய்,மல்லி, பெப்பர், சோம்பு தூள்களையும் சேர்த்து நன்றாக பேஸ்ட் பருவத்தில் அரைத்துக் கொள்ளவும்.

அரைத்த மசாலாவுடன் ஒன்றரை கப் தண்ணீரும், தேவைக்கு உப்பும் சேர்த்து கலக்கி வைத்துக் கொள்ளவும்.

மண் சட்டி அடுப்பில் வைத்து எண்ணெய் விட்டு சூடானதும் கடுகு, வெந்தயம், கறிவேப்பிலை போட்டு தாளிக்கவும்.

கடுகு பொட்டி, வெந்தயம் சிவந்து வரும் போது கலக்கி வைத்திருக்கும் மசாலாவை ஊற்றவும்.ஊற வைத்த குடம் புளியை அந்த தண்ணீரோடு மசாலாவில் சேர்த்து சட்டியை மூடி வைத்து நன்றாகக் கொதிக்க விடவும்.

மசாலா கொதித்த உடன் மீனை ஒவ்வொன்றாக அதில் போடவும். ‌

கறியில் கரண்டி போடக்கூடாது போட்டால் மீன் பொடித்து விடும்.அதனால் இரண்டு கைகளால் சட்டியைப் பிடித்து கறக்கிக் கொடுக்கவும்.

தண்ணீர் வற்றி மசாலா நன்றாக இறுகி எண்ணெய் மேலே தெளிந்து வரும் போது இறக்கவும்.

மிகவும் சுவையான சாளை மீன் மிளகு கறி ரெடி.