மீன் துண்டுகளை நன்றாகக் கழுவி சுத்தம் செய்து கொள்ளவும்.

பூண்டினை தோல் உரித்து கொள்ளவும்.

வற்றல் மிளகாயை வெந்நீரில் ஐந்து நிமிடம் ஊற வைத்து எடுக்கவும்.

இரண்டு தக்காளி, இரண்டு வெங்காயத்தை எடுத்து சற்று பெரிய துண்டுகளாக நறுக்கிக் கொள்ளவும்.

மீன் துண்டுகளை மஞ்சள் தூள், மிளகாய் தூள், ஒரு டீஸ்பூன் உப்பு சேர்த்து பிரட்டி வைத்து சுமார் பத்து நிமிடங்கள் ஊற விடவும்.

ஊற வைத்த மிளகாயுடன் நறுக்கிய வெங்காயம், தக்காளி, பூண்டு சேர்த்து விழுதாக அரைத்துக் கொள்ளவும்.

மீதமுள்ள மூன்று வெங்காயத்தை நீளவாக்கில் மெல்லியதாக நறுக்கிக் கொள்ளவும். மீதமுள்ள மூன்று தக்காளிகளையும் சிறு துண்டுகளாக நறுக்கிக் கொள்ளவும்.

வாணலியில் இரண்டு டேபிள் ஸ்பூன் எண்ணெய் ஊற்றி காய்ந்ததும் மிளகாய் தூளில் பிரட்டி வைத்துள்ள மீன் துண்டுகளைப் போட்டு பொரித்து எடுக்கவும்.

மீன் துண்டுகள் அனைத்தையும் பொரித்து எடுக்கவும்.

ஒரு வாணலி அடுப்பில் வைத்து இரண்டு டேபிள் ஸ்பூன் எண்ணெய் ஊற்றி சூடானதும் நீள வாக்கில் நறுக்கிய வெங்காயத்தையும், அரைத்த மிளகாய் விழுதையும் போட்டு மூன்று நிமிடங்கள் வதக்கவும்.

வெங்காயமும்,விழுதும், ஒன்றாய் சேர்ந்து நன்கு வதங்கிய பிறகு நறுக்கிய தக்காளி, அரை டீஸ்பூன் உப்பு சேர்த்து மேலும் வதக்கவும்.

பிறகு, அதனுடன் தேங்காய் பால் ஊற்றி பிரட்டி விட்டு அதில் பொரித்து எடுத்து வைத்துள்ள மீன் துண்டுகளைப் போட்டு லேசாக பிரட்டி விடவும்.

வாணலியை ஒரு மூடி கொண்டு மூடி விட்டு சுமார் ஒரு நிமிடம் வேக விடவும். தீயின் அளவு மிதமாகவும், சீராகவும் இருக்க வேண்டும்.

ஒரு நிமிடம் கழித்து மூடியைத் திறந்து எலுமிச்சைப் பழத்தை பிழிந்து விட்டு மேலும் மூன்று நிமிடம் மூடி வைக்கவும்.

அதன் பிறகு மூடியை திறந்து மீன் உடைந்து விடாமல் கவனமாக பிரட்டி விட்டு இறக்கி விடவும்.இதனை சூடு சோறுடன் சாப்பிட்டால் மிகவும் சுவையாக இருக்கும்.