முதலில் புளியைக் கரைத்து அதில் குழம்பு மிளகாய்த்தூள் மஞ்சள்தூள் உப்பு இவற்றை கலந்து வைக்கவும். இதை ஒரு கடாயில் ஊற்றி கொதிக்க வைக்கவும் இத்துடன் தக்காளி இரண்டு போட்டு வேக வைக்கவும் வேறொரு கடாயில் எண்ணை முழுவதையும் ஊற்றி கடுகு பிறகு வெங்காய வடகம் உளுத்தம்பருப்பு கடலைப்பருப்பு துவரம் பருப்பு காய்ந்த மிளகாய் கருவேப்பிலை வெந்தயம் போட்டு தாளிக்கவும். அத்துடன் வெங்காயத்தை சேர்த்து நன்கு வதக்கவும். கடாயில் கொதித்து கொண்டிருந்த குழம்பு பாதி வற்றியதும் தாளித்து வைத்திருந்த வெங்காயத்தை அதில் கொட்டவும்.

குழம்பில் வெந்து கொண்டிருந்த தக்காளியை எடுத்து தோல் உரித்து மசித்து குழம்பில் ஊற்றவும். இவை எல்லாம் சேர்ந்து நன்கு கொதித்து குழம்பு வற்றி வரும்.

குழம்பு நன்கு சுண்டி வந்ததும் பூண்டையும வெல்ல துண்டையும் நசுக்கி குழம்பில்போட்டு 2 நிமிடம் கொதிக்கவிட்டு கருவேப்பிலை தூவி நெய் 2 ஸ்பூன் ஊற்றி இறக்கவும்.. மணமணக்கும் வெங்காய வெந்தய குழம்பு தயார். இதை சாதத்துடன் கலந்து சாப்பிட மிகவும் சுவையாகவும் ஆரோக்கியமாகவும் இருக்கும். அப்பளத்துடன் சேர்த்து சாப்பிட மிகவும் சுவையாக இருக்கும்.

மழை காலத்துக்கு ஏற்ற அற்புதமான ஆரோக்கியமான சுவையான ரெசிபி வெங்காய வெந்தய குழம்பு