உளுந்தம் பருப்பை மூன்று மணி நேரம் ஊற வைத்து நன்றாக மை போல் அரைத்துக் கொள்ளவும்.

தேங்காய் துருவல், இஞ்சி, பச்சை மிளகாய் ஆகியவற்றை தனியாக அரைத்துக் கொள்ளவும்.

தயிரை நன்றாகக் கடைந்து, அத்துடன் அரைத்த தேங்காய் விழுது, ஒரு சிட்டிகை உப்பு சேர்த்து கலந்து தனியாக வைத்துக் கொள்ளவும்.

கடாய் அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும், எலுமிச்சம் பழ அளவு மாவை எடுத்து உருட்டி இலேசாக விரல்களால் அழுத்தி நடுவில் துளையிட்டு எண்ணெயில் போட்டு பொன்னிறமாக பொரித்து எடுக்கவும்.

பொரித்தெடுத்த வடையை குளிர்ந்த நீரில் போட்டு ஓரிரு நிமிடங்கள் கழித்து வெளியே எடுத்து இலேசாக கைகளால் அழுத்தி அதிலுள்ள நீரை அகற்றி விட்டு தயிரில் போட்டு 20 முதல் 30 நிமிடம் வரை ஊற விடவும்.

பரிமாறும் முன் அதன் மேல் நறுக்கிய மல்லித்தழையை தூவி பரிமாறவும்.