முதலில் ஒரு கடாயை அடுப்பில் வைத்து சூடானதும் அரிசி மற்றும் பாசிப்பருப்பு இரண்டையும் சேர்த்து பொன்னிறம் வரும்வரை வறுத்து எடுக்கவும் அத்துடன் ஏலக்காய் சேர்த்து 2 பிரட்டு பிரட்டி இறக்கவும். ஆறியதும் மிக்ஸி ஜாரில் சேர்த்து ரவை பதத்தை விட சற்று நைசாக அரைத்து எடுக்கவும்

ஒரு கடாயில் வெல்லத்தை சேர்த்து இரண்டு டம்ளர் தண்ணீர் விட்டு சூடாக்கவும் வெல்லம் கரைந்தவுடன் ஆற விட்டுவெல்லக் கரைசலை வடிகட்டி மாவை அளந்து அந்த மாவைப் போல் ஐந்து மடங்கு வெல்லப்பாகு மற்றும் தண்ணீர் இருக்குமாறு அளந்து அடுப்பில் வைக்கவும்..அதில் தேங்காய் துருவலை சேர்த்து கொதிக்கவிடவும். உப்பு மற்றும் மாவை கரைசலுடன் சேர்த்து கட்டி தட்டாமல்கிளறிக்கொண்டே இருக்கவேண்டும் மாவு கெட்டிப்பட்டு வருகையில் 4 ஸ்பூன் நெய்யை ஊற்றி சட்டியில் ஒட்டாத அளவு வரும் வரை கிளறி விடவும்.

வேறொரு கடாயில் மீதமுள்ள நெய்யை விட்டு முந்திரி தாளித்து அலங்கரிப்பதற்கு தேவையான முந்திரியை எடுத்துக்கொண்டு மீதத்தை களி உடன் சேர்த்துக் கிளறவும். பிறகு ஒரு நெய் தடவிய பௌலில் எடுத்து நன்கு பரப்பி ஒரு பிளேட்டில் கவிழ்த்து முந்திரியால் அலங்கரித்து பரிமாறவும். இப்பொழுது ஆருத்ரா ஸ்பெஷல் திருவாதிரைக் களி ரெடி. இத்துடன் 6 காய் கூட்டு செய்து சேர்த்து சாப்பிட மிகவும் சுவையாக இருக்கும்.