பாசிப்பருப்பை இரண்டு ஸ்பூன் கடலை பருப்புடன் சேர்த்து வெறும் வாணலியில் லேசாக சூடு வரும் வரை வறுத்துக் கொள்ளவும்.கழுவி 10 நிமிடம் ஊற வைத்துக் கொள்ளவும். ஒண்ணே கால் கப் வெல்லம் உடைத்துவைத்துக்கொள்ளவும் முந்திரி பருப்பு ஏலக்காய் எடுத்து வைத்துக் கொள்ளவும்.இரண்டு ஸ்பூன் நெய்யில் முந்திரிப்பருப்பை வறுத்து வைத்துக் கொள்ளவும். இரண்டு ஸ்பூன் அரிசி மாவு எடுத்து வைத்துக் கொள்ளவும். அரிசி மாவு இல்லை என்றால் 2ஸ்பூன் அரிசி (பச்சரிசி) தண்ணீரில் ஊற வைத்துக் கொள்ளவும். தேங்காயுடன் சேர்த்து அரைத்துக் கொள்ளவும்.

பருப்பில் தாராளமாக தண்ணீர் சேர்த்து வேக வைத்துக் கொள்ளவும். பருப்பு நன்கு வெந்தவுடன் வெல்லம் சேர்த்துக் கொள்ளவும். அரிசி மாவு கரைத்து அதில் சேர்த்து கொள்ளவும். தேங்காயை மிக்ஸியில் சேர்த்து அரைத்து சேர்த்துக் கொள்ளவும். நன்கு கொதி வந்தவுடன் பாசிப்பருப்பு கெட்டியாகும். தேவை என்றால் கொஞ்சம் தண்ணீர் சேர்த்துக் கொள்ளவும் அல்லது பால் சேர்த்துக் கொள்ளவும். கொதித்தவுடன் ஏலக்காய் தூள் சேர்க்கவும். வறுத்த முந்திரி சேர்த்து கொள்ளவும்.