முதலில் பாசிப்பருப்பை கழுவி அதில் அரிசி கழுவிய நீர் இரண்டு டம்ளர் ஊற்றி மஞ்சள் பொடி சேர்த்து இரண்டு கொதி வரும் பொழுது பாகற்காயை 2ஸ்பூன் எண்ணெய் சிறிது உப்பு சேர்த்து நன்கு வதக்கி அத்துடன் சேர்த்து வேக வைக்கவும்.. ஒரு ஸ்பூன் எண்ணெயில் தக்காளி வெங்காயத்தை நன்கு வதக்கி குழம்புடன் கொட்டி வேக விடவும்

பாசிப்பருப்பு பாகற்காய் முக்கால் பதம் வெந்து வரும்பொழுது குழம்பு மிளகாய்த்தூள் உப்பு சேர்த்து நன்கு கலந்து மிளகாய் தூள் வாசனை போகும் வரை கொதிக்க விடவும்.

இப்பொழுது சோம்புத்தூள் தேங்காய் துருவல் சேர்த்து நன்கு கலந்து ஒரு தாளிப்பு கரண்டியில் நெய்யை விட்டு தாளிப்பு வடகம் சேர்த்து தாளித்து கலந்து இறக்கி பரிமாறவும். சாதத்துடன் கலந்து சாப்பிட பாகற்காய் பருப்பு கூட்டு மிகவும் சுவையாகவும் மனமாகவும் இருக்கும்.