பஞ்சாபி சமோசா

ஒரு பௌலில் மைதா,நெய்,உப்பு,சர்க்கரை, சீரகம் மற்றும் வெதுவெதுப்பான நீர் ஊற்றி மென்மையாக பிசைந்து,அரை மணி நேரம் ஊற வைக்கவும்.

உருளைக்கிழங்கை வேக வைத்து மசித்து எடுத்து கொள்ளவும்.

ஒரு கடாயில் எண்ணெய் ஊற்றி காய்ந்ததும், சீரகம், நறுக்கிய இஞ்சி,பச்சை மிளகாய் சேர்த்து கிளறி,மசித்த உருளைக்கிழங்கை சேர்த்து வதக்கவும்.

பின் அதில் சில்லி பிளேக்ஸ்,கரம் மசாலா, சாட் மசாலா, மஞ்சள் தூள், காய்ந்த மாங்காய் பொடி சேர்த்து 2 நிமிடம் கிளறி,கடைசியில் மல்லி தழை தூவி இறக்கவும்.

ஊற வைத்த மாவை சிறிய உருண்டைகளாக பிடித்து,பூரி போல் வட்டமாக தேய்த்து,இரண்டாக வெட்டி எடுத்து கொள்ளவும்.

மாவின் இரண்டு முனையிலும் தண்ணீர் தடவி(பிரஷ் செய்து) ஒன்றாக சேர்த்து ஒட்டவும்.

பின் அதில் வதக்கிய உருளைக்கிழங்கு கலவையை வைத்து மூடவும்.

இதை போல் எல்லாவற்றையும் செய்து கொள்ளவும்.

ஒரு கடாயில் எண்ணெய் ஊற்றி காய்ந்ததும்,பொன்னிறமாக பொரித்து எடுக்கவும்.

சுவையான பஞ்சாபி சமோசா ரெடி.