ஒரு வாணலியில் நெய்யை ஊற்றி சூடு செய்யவும், அதில் முந்திரி திராட்சை சேர்த்து பொன்னிறமாக வறுக்கவும்.அதில் துருவிய தேங்காயை அரை கப் சேர்த்து அதையும் பொன்னிறமாக வறுக்கவும். அதை ஒரு பாத்திரத்தில் எடுத்து வைத்துக் கொள்ளவும்.வாணலியில் இன்னும் சிறிது நெய் விட்டு எடுத்து வைத்துள்ள ரவையை சேர்த்து அதை மிதமான சூட்டில் வறுத்து எடுத்துக் கொள்ளவும்.

வறுத்து எடுத்து வைத்துள்ள பொருட்களுடன் சர்க்கரை ஒன்றரை கப் சேர்க்கவும்.மேலும் அதனுடன் ஏலக்காய்த்தூள்- ஒரு டீஸ்பூன் மற்றும் காய்ச்சிய சூடான பால் -அரை கப் சேர்க்கவும்.அனைத்து பொருட்களையும் நன்றாக கலந்து விடவும். பின்பு இதனை ஒரு ஐந்து நிமிடங்கள் நன்றாக ஊறவிடவும். பின்பு உள்ளங்கையை பாலில் நனைத்துக் கொண்டு உருண்டைகளாக உருட்டி எடுக்கவும்.இதேபோல் அனைத்து ரவையையும் உருண்டையாக பிடித்து எடுத்துக் கொள்ளவும். இப்பொழுது சுவையான ரவா லட்டு தயார் 😋.