ஆரோக்கியமான கெட்டி உருண்டை/பொரிவிளங்கா உருண்டை

கொள்ளு,நரிப்பயறு,பச்சரிசி &பாசிப்பருப்பு இவை நான்கையும் தனித்தனியாக நன்கு சிவக்க வறுத்து பொடித்து சலித்துக்கொள்ளவும்.

வேர்க்கடலையை வறுத்து ஒன்றும் பாதியுமாக பொடித்துக் கொள்ளவும். எள்ளை வறுத்து தனியாக எடுத்துக் கொள்ளவும்.

முதலில் சலித்து வைத்த பொடியுடன்,வறுத்து பொடித்த வேர்க்கடலை,400 கிராம் பொட்டுக்கடலை மாவு, வறுத்த எள்ளு, 100 கிராம் பொட்டுக்கடலை, பொடியாக நறுக்கிய கொப்பரை தேங்காய், ஏலக்காய்த்தூள் என இவை அனைத்தையும் ஒன்றாக கலந்து வைக்கவும்.

வெல்லத்தை பொடித்து அதில் அரை டம்ளர் தண்ணீர் சேர்த்து ஒரு கம்பி பதம் பாகு தயார் செய்யவும்.

பாகு ரெடியானதும்,கலந்து வைத்த மாவில் சிறிது சிறிதாக வெல்லப்பாகு சேர்த்து கெட்டி உருண்டை பிடிக்கவும்.