முதலில் ஜவ்வரிசியை வெறும் வாணலியில் லேசாக சூடு வரும் வரை வறுத்துக் கொள்ளவும். நாலு கப் பாலை காய வைத்துக் கொள்ளவும். 10 முந்திரியை உடைத்து வைத்துக்கொள்ளவும். ஏலக்காயை பவுடராக்கி வைத்துக் கொள்ளவும். ஒரு ஸ்பூன் சாரை பருப்பை எடுத்து வைத்துக் கொள்ளவும். ஒரு சிட்டிகை குங்குமப்பூ எடுத்து கொள்ளவும்.

வருத்த ஜவ்வரிசியை தண்ணீரில் கழுவி அரை மணி நேரம் ஊற வைத்துக் கொள்ளவும். 4 கப் பாலை அடுப்பில் வைத்து மீண்டும் சூடுபடுத்தி கொள்ளவும். பாலுடன் நன்கு ஊறியஜவ்வரிசியை சேர்த்து நன்கு வேகவிடவும்.

இரண்டு ஸ்பூன் பாலில் குங்குமப்பூவை கரைத்து வைத்துக் கொள்ளவும். ஜவ்வரிசி வெந்தவுடன், சர்க்கரையை அதில் சேர்க்கவும். கூடுதல் இனிப்பு சுவை வேண்டுபவர்கள் இன்னும் கால் கப் சர்க்கரை சேர்த்துக்கொள்ளலாம். இவற்றை நன்கு கலந்து விடவும்.

ஒரு கடாயில் ஒரு ஸ்பூன் நெய் சேர்த்து,பொடித்து வைத்த முந்திரி பருப்பு, சாரைப்பருப்பு சேர்த்து சிவக்க வறுத்துக் கொள்ளவும். இவற்றுடன் ஏலக்காய் பொடியையும் பாயசத்தில் கலந்து கொள்ளவும். பாலில் கரைத்து வைத்த குங்குமப்பூவை கடைசியாக கலந்து கொள்ளவும். ருசியான ஜவ்வரிசி பாயாசம் சாப்பிடுவதற்கு தயார். பாயச கப்பில் ஊற்றி இப்போது பரிமாறவும்.