கேரட்டை தோல் நீக்கி விட்டு துருவி எடுத்துக் கொள்ளவும்.துருவிய கேரட்டில் சிறிது மாற்றி வைத்துக் கொள்ளவும்.

மிக்ஸி ஜாரில் துருவிய கேரட்,சீனி, பால் பவுடர், முட்டை, வெனிலா எஸ்ஸென்ஸ், உப்பு எல்லாவற்றையும் சேர்த்து பேஸ்ட் பருவத்தில் அரைத்துக் கொள்ளவும்.

ஒரு பேன் அடுப்பில் வைத்து 2 டீஸ்பூன் நெய் விட்டு முந்திரிப் பருப்பையும், கிஸ்மிஸ் பழத்தையும் பொன்னிறத்தில் பொரித்து எடுக்கவும்.

முந்திரிப் பருப்பு, கிஸ்மிஸ் பொரித்த நெய்யில் மாற்றி வைத்திருக்கும் கேரட் துருவலை போட்டு நன்றாக வதக்கி எடுக்கவும்.

அதே பேனில் 2 டீஸ்பூன் நெய் விட்டு சூடானதும் அதில் அரைத்து வைத்துள்ள கேரட் பேஸ்டை ஊற்றவும்.

கேரட் பேஸ்டின் மீது பொரித்து வைத்திருக்கும் முந்திரிப் பருப்பு, கிஸ்மிஸ் பழத்தையும் தூவி கொடுக்கவும்.

பிறகு, இதன் மீது நெய்யில் வதக்கி வைத்திருக்கும் கேரட் துருவலையும் தூவி கொடுக்கவும்.

பேனை மூடி வைத்து அடுப்பை ஸிம்மில் வைத்து 15 நிமிடம் வேக விடவும்.

வெந்ததும் தட்டிற்கு மாற்றவும்.

அருமையான சுவையில் மிருதுவான கேரட் போளா தயார்.