எப்பொழுதும் போல் கோதுமை மாவில் தேவைக்கேற்ப உப்பு மற்றும் சிறிது எண்ணெய் சேர்த்து சப்பாத்தி மாவு பிசைந்து கொள்ளவும்.

வெங்காயத்தை பொடியாக நறுக்கி அதனுடன் இஞ்சி பூண்டு விழுது, விதை நீக்கிய பச்சை மிளகாய், சிவப்பு மிளகாய் தூள், தனியா தூள், கரம் மசாலா, சீரகப் பொடி, மஞ்சள் தூள், கஸ்தூரி மேத்தி இவை அனைத்தையும் கலந்து கொள்ளவும்.உப்பு கடைசியாக இதில் கலக்கவும் இல்லை எனில் வெங்காயத்தில் நீர் விட்டு விடும்.

ஒரு உருண்டை மாவை சிறிது தட்டி, அதன் நடுவில் இந்த பூரணத்தை வைத்து மீண்டும் மூடி உருண்டையாகவும். பூரணம் வெளியில் வராதபடி மூடவும்.

உருண்டையாக்கி மாவில் சிறிது கோதுமை மாவு தொட்டு மெதுவாக பரோட்டா தேய்க்கவும்.தவாவை சூடேற்றி பரோட்டாவை சிறிது நெய் சேர்த்து மிதமான தீயில் வேக வைத்து எடுக்கவும்.