முதலில் கடி பக்கோடா விற்கு பக்கோடாவை செய்து வைக்க வேண்டும். அதற்கு உடைச்ச கடலை மிக்ஸியில் போட்டு பவுடராக்கி எடுத்துக்கொள்ள வேண்டும்.இப்போது ஒரு பாத்திரத்தை எடுத்துக்கோங்க அதில் அரைத்து வைத்துள்ள பொட்டுக்கடலை மாவை போடவும் அதன்மேல் அரை ஸ்பூன் சீரகத்தூள் அரை ஸ்பூன் சோம்பு தூள் கால் ஸ்பூன் மஞ்சள்தூள் அரை ஸ்பூன் கரம் மசாலாத்தூள் மிளகாய்த்தூள் ஒரு டீஸ்பூன் உப்பு தேவையான அளவு நேத்தி கஸ்தூரி மேத்தி ஒரு டீஸ்பூன் போட்டு நன்கு கலந்து கொள்ளவும்.

இப்பொழுது அதை தண்ணீர் சிறிது ஊற்றி போண்டா மாவு பதம் அளவில் நன்கு கரைத்து எடுத்துக் கொள்ளவும். இப்போது அடுப்பில் கடாய் வைத்து எண்ணெய் ஊற்றி காயவிடவும். எண்ணெய் நன்கு காய்ந்த பிறகு இதை போண்டாக்களாக போட்டு வறுத்து எடுத்துக் கொள்ளவும்.

ஆனால் அரை வேக்காட்டில் எடுத்துவிட வேண்டும் முழுமையாக வேக விடக்கூடாது.வெந்தால் ரொம்ப ஹார்டா ஆயிடும் அப்பொழுது இது இந்த ரெசிபிக்கு செட்டாகாது. இதனால் லைட்டாக வெந்து மேலே வரும்போது எடுத்து எடுத்து வைத்துக்கொள்ள வேண்டும்.

இப்போது கடி பக்கோடா விற்கு பக்கோடா தயார் ஆகிவிட்டது. இப்போது கடி செய்ய ஒரு மீடியம் சைஸ் மிக்ஸி ஜாரை எடுத்துக் கொள்ளவும். அதில் 200 கிராம் அளவு தயிரை சேர்க்கவும். அதன்மேல் ஒன்றரை ஸ்பூன் மிளகாய்த்தூள் கால் டீஸ்பூன் மஞ்சள் தூள் அரை டீஸ்பூன் சீரகத் தூள் ரெண்டு ஸ்பூன் உடைச்ச கடலை மாவு சேர்க்கவும்.

இப்பொழுது இவை அனைத்தையும் மிக்ஸியில் போட்டு நன்கு அரைத்து எடுத்துக் கொள்ளவும். இப்போது அடுப்பில் கடாயை வைத்து சிறிதளவு எண்ணெயை ஊற்றவும். சூடான பிறகு கடுகு உளுத்தம்பருப்பு போட்டு நன்கு பொரிந்தவுடன் முழு சீரகம் ஒரு டீஸ்பூன் அளவு சேர்த்து அது நன்கு பொரிந்தவுடன் ஐந்து காஞ்ச மிளகாய் நன்றாக கில்லி போட்டு விடவும். காஞ்ச மிளகாய் நன்கு சிவந்த பிறகு நாம் அரைத்து வைத்திருக்கும் தயிர் மிக்ஸர் ஐ அதில் ஊற்றவும் தேவையான அளவு தண்ணீர் ஊற்றி கொள்ளவும்.

நன்கு கொதிக்கும் பொழுது நம் முதலே செய்து வைத்த பக்கோடா போட்டு தேவையான அளவு உப்பு சேர்த்து நன்கு கலந்து கொள்ளவும் போது இரண்டு அல்லது மூன்று நிமிடத்தில் கடி தயாராகிவிடும்

இறக்கும் பொழுது கொத்தமல்லி தூவி எடுத்து பரிமாறுங்கள் மிகவும் சுலபமான மற்றும் மிகவும் ஹெல்தியான ரெசிபி இது

ராஜஸ்தானி முறையில் செய்வதால் இதில் வெங்காயம் பூண்டு இஞ்சி போன்ற பொருட்கள் சேர்க்கப்படவில்லை. உடலுக்கு மிகவும் இம்முநிடி கொடுக்கக்கூடிய மஞ்சள் சீரகம் சோம்பு மற்றும் ஒரு புரத சத்து நிறைந்த உடைச்ச கடலை தயிர் உடலுக்கு குளிர்ச்சி மற்றும் கால்சியம் நிறைந்தது. இதில் இருக்கும் அனைத்து பொருட்களும் உடம்பிற்கு ஆரோக்கியத்தையும் கொடுக்கக் கூடியது அதனால் ஒரு முறை செய்து பாருங்கள் நன்றி.