பாசிப்பருப்பு துவரம்பருப்பு இரண்டையும் எடுத்து நன்கு கழுவி குக்கரில் 2 கப் தண்ணீர் விட்டு சிறிது மஞ்சள் தூள், ஒரு ஸ்பூன் எண்ணெய், ஒரு பெருங்காயத் துண்டு போட்டு 2 விசில் விட்டு இறக்கவும்.

முருங்கைக்காய், கத்தரிக்காய், கேரட், உருளைக்கிழங்கு, தக்காளி, வெங்காயம் இவைகளை பொடியாக நறுக்கிக் கொள்ளவும் பச்சை மிளகாயை நீளமாக கீறிக் எடுத்துக் கொள்ளவும். தாளிப்பதற்கு தேவையான பொருட்களை எடுத்துக் கொள்ளவும். குக்கரை திறந்து வெந்த பருப்பில் மேலும் ஒரு கப் தண்ணீர் ஊற்றி மிதமான தீயில் வைத்து நன்கு கிளறி கொதிக்க விடவும்

புளியை சிறிது தண்ணீரில் ஊற வைத்து கரைத்து புளிக்கரைசல் யும், சாம்பார் பொடியையும் வெந்த பருப்பு கலவையில் சேர்த்து சேர்த்து மிதமாக வைத்து கொதி வர விடவும்

மற்றொரு அடுப்பில் ஒரு கடாயை வைத்து நெய் மற்றும் எண்ணெய் காய வைத்து கடுகு, பட்டை, பூ, மிளகு இவற்றை தாளிக்கவும்

பிறகு கறிவேப்பிலை பச்சை மிளகாய் சேர்த்து வதக்கவும். மிளகாய் நன்கு வெள்ளையாக வரும் வரை மிதமான தீயில் வைத்து வதக்கவும்

பிறகு வெங்காயம், தக்காளி சேர்த்து வதக்கவும். தக்காளி நன்கு வதங்கியதும் பிறகு எல்லா காய்களையும் சேர்த்து மிதமான தீயில் வைத்து 5 நிமிடங்கள் நன்கு வதக்கவும்

பிறகு சிறிதளவு உப்பு காய்க்கு தேவையான அளவு சேர்த்து நன்கு கிளறி அதனை கொதித்துக் கொண்டிருக்கும் பருப்பில் எடுத்து சேர்க்கவும்

இப்போது சாம்பாருக்கு தேவையான அளவு உப்பு சேர்த்து நன்கு அடிபிடிக்காமல் கிளறி மீண்டும் ஒரு கப் தண்ணீர் சேர்த்து ஒரு கொதி வந்ததும் விசில் போட்டு ஒரு விசில் விட்டு அடுப்பை அணைக்கவும். ரொம்ப டேஸ்டான ஒரு இட்லி சாம்பார் ரெசிபி. நெய் ரோஸ்ட்க்கு இந்த சாம்பார் ரொம்ப டேஸ்டா இருக்கும்