குக்கர் முட்டை பிரியாணி (Cooker muttai biryani Recipe in Tamil)

வெங்காயத்தை நீளவாக்கில் மெல்லிசாக வெட்டி பொன்னிறமாக எண்ணெயில் பொரித்து தனியே எடுத்து வைத்துக்கொள்ள வேண்டும்.

முந்திரி,கிஸ்மிஸையும் நெய்யில் பொரித்து வைத்துக்கொள்ளவேண்டும்.

அரிசியை நன்றாக கழுவி 20 நிமிடங்கள் ஊற வைக்க வேண்டும்.

முட்டையை வேக வைத்து தோலுரித்து வைத்துக் கொள்ள வேண்டும். தோலுரித்த முட்டையை லேசாக நான்கு புறமும் கீறி வைக்கவும்.

வாணலியில் எண்ணெய் ஊற்றி அதில் கால் டீஸ்பூன் மஞ்சள்தூள், ஒரு டீஸ்பூன் மிளகாய்த்தூள்,ஒரு டீஸ்பூன் கரம் மசாலாத்தூள் சேர்த்து மிதமான தீயில் கலந்துவிட்டு அதில் முட்டையை சேர்த்து வதக்கிக் கொள்ள வேண்டும்

குக்கரில் நெய் மற்றும் எண்ணெய் சேர்த்து காய்ந்ததும் அதில் பட்டை கிராம்பு லவங்கம் ஏலக்காய் சேர்க்கவும். இதனுடன் நறுக்கிய வெங்காயம்,கீறிய பச்சைமிளகாய் சேர்த்து பொன்னிறமாக வதக்கிக் கொள்ள வேண்டும்.

பொன்னிறமாக வதங்கியதும் அதில் தக்காளி சேர்த்து வதக்க வேண்டும்.

ஒரு பாத்திரத்தில் தயிர் தயிர் சேர்த்து அதில் மஞ்சள்தூள் மிளகாய்த்தூள் மல்லித்தூள் கரம் மசாலாத்தூள், உப்பு சேர்த்து நன்றாக கலந்து வைத்துக்கொள்ள வேண்டும்.

இந்த தயிர் கலவையை குக்கரில் வதக்கிய வெங்காயம் தக்காளி உடன் சேர்த்து நன்றாக கிளற வேண்டும். பிறகு அதில் நறுக்கிய கொத்தமல்லி புதினா இலைகளை சேர்த்து உப்பு சரிபார்த்து நன்றாக கலந்துவிட வேண்டும்.

20 நிமிடங்கள் ஊற வைத்த அரிசியை வடிகட்டி இந்தக் கலவையோடு சேர்த்து கிளறி விட வேண்டும். ஒரு கப் அரிசிக்கு இரண்டு கப் தண்ணீர் வீதம் தண்ணீர் சேர்த்து பொரித்தெடுத்த முட்டைகளை இந்த அரிசி கலவை மேல் அடுக்கி குக்கரை மூடி வைக்க வேண்டும்.

ஆவி வந்ததும் குக்கரில் விசில் வைத்து மிதமான தீயில் 10 நிமிடம் வைத்து இறக்கிவிடவும்

பின்னர் 15 நிமிடங்கள் கழித்து குக்கர் மூடியைத் திறந்த பொரித்து வைத்துள்ள வெங்காயம் மற்றும் முந்திரி பருப்பினை மேலாகத் தூவி கிளறிவிடவும். சுவையான முட்டை பிரியாணி தயார். இந்த பிரியாணியை தயிர் வெங்காயம், கத்திரிக்காய் கொத்சு சேர்த்து சாப்பிட சுவையாக இருக்கும்.