முதலில் இதற்கு தேவையான வான்கோழி இறைச்சி சுத்தம் செய்து எடுத்துக் கொள்ள வேண்டும். தேவையான பெரிய வெங்காயம் தக்காளி பச்சை மிளகாய் ஆகியவற்றை சிறிதாக நறுக்கி எடுத்துக்கொள்ள வேண்டும்.

ஒரு மிக்ஸி ஜாரில் ஒரு டேபிள்ஸ்பூன் சோம்பு பிரியாணி இலை பட்டை ஏலக்காய் கிராம்பு நல்லமிளகு ஒரு டேபிள் ஸ்பூன் மல்லித் தூள் ஆகியவற்றை சேர்த்து நன்றாக அரைத்துக் கொள்ள வேண்டும். இஞ்சி பூண்டை விழுது எடுத்து கொள்ள வேண்டும்.அரை கப் தயிர் எடுத்துக் கொள்ள வேண்டும்.

இப்பொழுது ஒரு கடாயில் 2 டேபிள்ஸ்பூன் எண்ணெய் 1 டேபிள் ஸ்பூன் நெய் சேர்த்துக் கொள்ள வேண்டும் இப்பொழுது அதில் ஒரு ஸ்பூன் சோம்பு, பட்டை,கிராம்பு ஏலக்காய் ஆகியவற்றை சேர்க்க வேண்டும் பின்பு அதோடு நறுக்கி வைத்திருக்கும் பெரிய வெங்காயத்தை சேர்த்து நன்றாக வதக்க வேண்டும். வெங்காயம் வதங்கிய பின்பு அதோட அரைத்து வைத்திருக்கும் மசாலா மற்றும் இஞ்சி-பூண்டு விழுது சேர்த்து வதக்க வேண்டும்.

வெங்காயம் நன்றாக வதங்கிய பின்பு அதில் தக்காளி சேர்த்து வதக்க வேண்டும். தக்காளி வதங்கிய பின்பு அதோடு அரை கப் தயிர் மற்றும் புதினா மல்லித்தழை சேர்த்து வதக்கவும்.

எடுத்து சுத்தம் செய்து வைத்திருக்கும் வான் கோழி இறைச்சியை அதனோடு சேர்த்து அதோடு ஒரு டேபிள் ஸ்பூன் மஞ்சள் தூள் சேர்த்து வதக்க வேண்டும். இப்பொழுது மூடி வைத்து 5 நிமிடம் வேக விடவும்.

இப்பொழுது அதனோடு மூன்று கப் தண்ணீர் சேர்க்க வேண்டும். தண்ணீர் கொதிக்கும்போது அதில் ஊறவைத்து வைத்த பாசுமதி அரிசியை சேர்த்து நன்றாக கலந்து விடவேண்டும் தேவையான அளவு உப்பு சேர்த்துக் கொள்ளவும்.

இப்பொழுது மூடி வைத்து அதன் மேல் ஒரு பாத்திரத்தில் தண்ணீர் வைத்து 20 நிமிடம் மிதமான சூட்டில் வேக விடவும்.நன்றாக வெந்த பிறகு 2 டேபிள்ஸ்பூன் நெய் மற்றும் சிறிதளவு மல்லித்தழை சேர்த்து கிளறி விடவும்.

மிகவும் சுவையான மற்றும் சத்தான வான்கோழி பிரியாணி ரெடி. நன்றி