முதலில் நன்கு பழுத்த தக்காளியை, மிக்ஸியில் போட்டு அடித்து சாறு எடுத்து வைத்துக்கொள்ளவும்.

சீரகம், மிளகு இரண்டையும் பொடி செய்து வைக்கவும்.

பின்னர் வாணலியில் எண்ணெய் ஊற்றி சூடானதும் கடுகு, கறிவேப்பிலை, பெருங்காயம் சேர்த்து, பூண்டு தட்டிப் போட்டு வதக்கியதும், அரைத்து வைத்துள்ள தக்காளி சாறை ஊற்றவும். கொஞ்சம் தண்ணீர் சேர்த்துக்கொள்ளுங்கள்.

பின்பு சீரகம், மிளகு பொடி, உப்பு சேர்த்து, நன்கு கொதிக்க விடவும். மல்லி இலை தூவி இறக்கவும்.

இப்போது சுவையான தக்காளி ரசம் தயார். செய்வது மிக மிக சுலபம். சாதத்துடன் கலந்து சாப்பிடலாம். சூப்பாக குடிக்கவும் சுவையாக இருக்கும்.

*இந்த ரசத்தில் புளி சேர்க்கப்படவில்லை.