முதலில் மைதா மாவு ஓமம் உப்பு ஒரு ஸ்பூன் சூடான நெய் ஆகியவற்றை சேர்த்து மாவை நன்கு பிசைந்து கொள்ளவும். இப்பொழுது சமோசா மேல் மாவு தயார்.

ஒரு கடாயில் 3 டேபிள்ஸ்பூன் எண்ணெய் சேர்த்து முறையே சீரகத்தூள், மல்லித்தூள் வரமிளகாய் தூள் மசாலா பொடி,மஞ்சத்தூள் மற்றும் இஞ்சி பூண்டு விழுது ஆகியவற்றை சேர்த்து வதக்கவும்.

இதனுடன் பனீர், வேக வைத்து மசித்த உருளைக்கிழங்கு, துருவிய கேரட், பொடியாக நறுக்கிய பச்சை மிளகாய், தேவையான அளவு உப்பு சேர்த்து நன்கு கலந்து பிரட்டவும். கடைசியாக சிறிதளவு கொத்தமல்லி இலைகள் நறுக்கி சேர்க்கவும்.

கடைசியாக அரை டேபிள்ஸ்பூன் நெய் சேர்த்து நன்கு சுருண்டு வரும் அளவிற்கு வதக்கவும். இப்பொழுது ஸ்டஃப் செய்ய பன்னீர் மசால் தயார்.

இப்பொழுது பிசைந்து வைத்த மேல் மாவை எடுத்து சப்பாத்தி தேய்ப்பது போல் தேய்த்து அதன் ஓரத்தை அறுத்துக் கொள்ளவும். இப்பொழுது அதன் கீழ் ஓரத்தில் பன்னீர் மசாலா கலவையை வைத்து நன்கு ஸ்டப் செய்து உருட்டவும் இரண்டு முறை உருட்டி, பிறகு அதன் கீழ் பகுதியை ஐந்து பாகங்களாக அறுத்து கொள்ளவும் மறுபடியும் அப்படியே உருட்டவும் கடைசி வரை உருட்டிய பிறகு அதனை வளையமாக வளைக்கவும் பிறகு இரண்டு ஓரத்தையும் கரைத்த மைதா கலவையை கொண்டு ஒட்டவும் இதன்மேல் முதலில் நறுக்கி வைத்த ஒரு பிசை வைத்து வளையமாக சுற்றி வைக்கவும்.