மூன்று பெரிய வெங்காயத்தை நீள வாக்கில் அரிந்து வைக்கவும். புளியை அலசி நீரில் ஊறவைக்கவும். தக்காளி-2 அரிந்து வைக்கவும் கொத்தமல்லி இலை ஒரு கைப்பிடி சுத்தம் செய்து கழுவி வைக்கவும் புதினா இலை ஒரு கைப்பிடி கழுவி வைக்கவும்.

ஒரு வாணலியில் எண்ணெய் ஊற்றி சூடானதும் இரண்டு ஸ்பூன் உளுந்து போட்டு சிவந்ததும் வரமிளகாய் பெருங்காய தூள் சேர்த்து பிரட்டவும். அரிந்த வெங்காயம் சேர்த்து வதக்கவும். வெங்காயம் வதங்கியதும் தக்காளியை போட்டு வதக்கவும். கொத்தமல்லி இலை புதினா இலை இவற்றை அதனுடன் சேர்த்து நன்கு வதக்கவும். தேவையான உப்பு சேர்க்கவும். ஊறவைத்த புளி அதனுடன் சேர்த்து ஆற வைத்து மிக்ஸியில் போட்டு மைய அரைக்கவும். சுவையான புதினா சட்னி தயார். இட்லி தோசைக்கு தொட்டுக்கொள்ள சுவையாக இருக்கும்.

தேவைப்பட்டால் துருவிய தேங்காய் 5 ஸ்பூன் சேர்த்து அரைக்கலாம். சாதத்துடன் நெய்,சட்னி சேர்த்து சாப்பிட சுவையாக இருக்கும். நான் செய்தது தேங்காய் சேர்க்காத புதினா சட்னி நீங்களும் செய்து பாருங்கள்.