பருப்பை கழுவி குக்கரில் போட்டு தண்ணீர்விட்டு நன்கு வேக வைக்கவும்.வெந்த பருப்பில் 2 டம்ளர் தண்ணீர் ஊற்றி நன்கு கரைத்து விட்டு எடுத்துக் கொள்ளவும்.ஒரு பாத்திரத்தில் அரை டம்ளர் நீரில் தேவையான புளியை கழுவி போட்டு ஒரு தக்காளி சேர்த்து
கொதிக்க விடவும். ஆறவைத்து நன்கு கசக்கி பிழிந்து வடிகட்டி எடுத்துக் கொள்ளவும். பூண்டு ஆறு பல் உரித்து வைக்கவும்

ஒரு தட்டில் தேவையான ரசப்பொடி நசுக்கிய பூண்டு மஞ்சள் தூள் உப்பு கிள்ளிய கறிவேப்பிலை ரெடியாக எடுத்து வைக்கவும். ஒரு சின்ன தக்காளியை பொடியாக அரிந்து வைக்கவும். ஒரு வாணலில் ஆயில் 2 ஸ்பூன் விட்டு கடுகு ஒரு ஸ்பூன் சீரகம் ஒரு ஸ்பூன் போட்டு தாளிக்கவும். ஒரு வரமிளகாய் கிள்ளி சேர்த்து மஞ்சள் தூள் பெருங்காயத்தூள் ஒரு சிட்டிகை கறிவேப்பிலை ரசப்பொடி அறிந்து வைத்த தக்காளி போட்டு நன்கு வதக்கவும். கரைத்த தக்காளி புளி நீரை சேர்க்கவும். பருப்பு நீரை சேர்க்கவும்.தேவையான உப்பு சேர்க்கவும்.

அடுப்பை சிம்மில் வைத்து கொதி வந்ததும் ரசம் மேலே நுரை கட்டி வரும்போது அடுப்பை அனைத்து விடவும். மல்லி இலை தூவி மூடி வைக்கவும். சுவையான பருப்பு தக்காளி ரசம் தயார். எங்கள் வீட்டில் ரசப் பொடிக்கு அரைக்கும்போது ஒரு கப் தனியா அரை கப் சீரகம் அரை கப் மிளகு அரை கப் துவரம்பருப்பு ஒருபிடி வரமிளகாய் தனித்தனியாக வறுத்து மிக்ஸியில் சேர்த்து அரைத்து ஆற வைத்து எடுத்து வைத்துக் கொள்வோம். நீங்களும் செய்து பாருங்கள்.