அரைச்சுவிட்ட வெந்தய குழம்பு

ஒரு வானலில் வெந்தயம், அரிசி சேர்த்து வறுத்து எடுத்து கொள்ளவும். பிறகு அதே வானலில் சீரகம், மிளகு,உளுத்தம்பருப்பு, மல்லி, கடலைப்பருப்பு, காய்ந்த மிளகாய், கறிவேப்பிலை சேர்த்து வதக்கி தனியாக எடுத்து வைக்கவும்.

மிக்ஸியில் வெந்தயம், அரிசி தனியாக அரைத்து வைத்துக் கொள்ளவும். பிறகு மல்லி, மிளகு, சீரகம், காய்ந்த மிளகாய், கடலைப்பருப்பு, உளுத்தம்பருப்பு, கறிவேப்பிலை இவற்றை தனியாக அரைத்து எடுத்து கொள்ளவும்.

வானலில் நல்லெண்ணெய் ஊற்றி காய்ந்ததும் கடுகு, வெந்தயம் தாளித்து கறிவேப்பிலை, பூண்டு பல், வெங்காயம் சேர்த்து நன்கு வதக்கவும்.புளியை தண்ணீரில் ஊற வைத்து கரைசலை வடிகட்டி எடுத்து கொள்ளவும்.இதில் அரைத்த பவுடர், சாம்பார் தூள், உப்பு, மஞ்சள் தூள் சேர்த்து கரைத்து கொள்ளவும்.

வெங்காயம் வதக்கிய பின் புளி கரைசலை ஊற்றி தேவையான அளவு தண்ணீர் ஊற்றி உப்பு, காரம் சரிபார்த்து கொதிக்க விடவும்.எண்ணெய் பிரிந்து வந்ததும் 1ஸ்பூன் வெந்தயம், அரிசி அரைத்த பவுடர் சேர்த்து நன்கு கலந்து விடவும்.

குழம்பு நன்கு கொதித்து பச்சை வாசனை போனதும் கடைசியாக வெல்லம் சிறிதளவு சேர்த்து 1ஸ்பூன் நல்லெண்ணெய் ஊற்றி கலந்து கறிவேப்பிலை சிறிதளவு சேர்த்து இறக்கவும்.நன்றி