முதலில் 8 முழு பாதாம் பருப்பு, ஆறு முந்திரி பருப்பு, ஒரு ஸ்பூன் கசகசா மூன்றையும் தண்ணீரில் அரை மணி நேரம் ஊற வைத்துக் கொள்ளவும். அரை லிட்டர் பால் காய வைத்துக் கொள்ளவும் சர்க்கரை ஏலக்காய் எடுத்துக் கொள்ளவும்.

ஒரு சிட்டிகை குங்குமப் பூவை இரண்டு ஸ்பூன் பாலில் ஊற வைத்துக் கொள்ளவும்.பாதாம் பருப்பு முந்திரிப் பருப்பு கசகசா ஊறியபின் பாதாம் பருப்பின் தோலை நீக்கிவிட்டு எல்லாவற்றையும் மிக்ஸியில் நைசாக அரைத்துக் கொள்ளவும். பாலை மீண்டும் அடுப்பில் வைத்து லேசாக சூடு ஏறியவுடன் அரைத்த பாதாம் விழுது சேர்த்து கொஞ்சம் சுண்டும் வரை காய்ச்சவும். பால் கொஞ்சம் கெட்டியான பிறகு சர்க்கரை சேர்த்துக் கொள்ளவும் ஏலக்காயை நுனிக்கு சேர்த்துக் கொள்ளவும் அல்லது பாதாம் முந்திரி பருப்பு சேர்த்து அரைக்கும் போதே சேர்த்து கொள்ளவும்.

பால் கொதி வந்த பிறகு குங்குமப்பூவை சேர்த்து கலந்து கொள்ளவும் சுவையான பாதாம் மசாலா பால் ரெடி. சுவையான பால் மட்டுமல்லாமல் சத்தானதும் கூட.

டம்ளரில் மாற்றி அனைவருக்கும் பரிமாறவும்.