4 &1/2 கப் இட்லி அரிசியை நன்கு தண்ணீரில் கழுவி, எட்டு மணிநேரம் வேறு தண்ணீர் சேர்த்து ஊற வைக்கவும்.

முழு உளுந்தை கழுவி ஒரு மணிநேரம் உறவைத்து, அரிசி, உளுந்து இரண்டையும் தனித்தனியாக அரைத்து மேலும் எட்டு மணிநேரம் அல்லது இரவு முழுதும் வைத்தால், மாவு நன்கு புளித்துவிடும்.

பின்னர் இட்லி வார்த்தல் நல்ல மிருதுவான இட்லி கிடைக்கும். இதே மாவை தோசை, பணியாரம் செய்யவும் பயன்படுத்தலாம்.

இட்லி வார்த்து நன்கு ஆற விடவும். பின்னர் நீளவாக்கில் வெட்டி வைத்துக்கொண்டு, வெங்காயம், பச்சை மிளகாயை நீளமாக நறுக்கிக்கொள்ளவும்.

கடாயில் எண்ணை ஊற்றி சூடானதும், கடுகு, உளுந்து, வேர்க்கடலை, கறிவேப்பிலை சேர்த்து வதக்கி, பொரிந்ததும், வெங்காயம், பச்சை மிளகாய் சேர்த்து வதக்கி, வெட்டி வைத்துள்ள இட்லி மற்றும் கறிவேப்பிலை பொடி சேர்த்து இரண்டு நிமிடங்கள் வதக்கி இறக்கவும்.

இப்போது சத்தான, சுவையான கறிவேப்பிலை பொடி பிங்கர் இட்லி சுவைக்கத் தயார்.

காலையில் செய்து இட்லி மீதம் இருந்து மாலை நேர சிற்றுண்டி அல்லது இரவு உணவாகவும் சுவைக்கலாம். குழந்தைகளுக்கு பாக்ஸ் எடுத்து செல்லவும் ஏதுவாகஇருக்கும்.