KFC ஸ்டைல் சிக்கன்

சிக்கனை மஞ்சள் தூள் போட்டு நன்கு கழுவி சுத்தம் செய்து வைக்கவும். ஒரு பவுலில் தயிர், மிளகாய் தூள், மஞ்சள் தூள், காஷ்மீர் மிளகாய்த்தூள், இஞ்சி பூண்டு விழுது, சீரகத்தூள், மிளகு தூள், கரமசாலா, முட்டை சேர்த்து நன்கு அடித்துக் கலந்து கொள்ளவும்.பிறகு சிக்கனை இந்த கலவையில் போட்டு கலந்து விடவும்.

பிறகு ஒரு பவுலில் ஐஸ் கட்டிகள் சேர்த்து தண்ணீர் ஊற்றி குளிர்ச்சியாக எடுத்து கொள்ளவும். மற்றொரு பவுலில் மைதா மாவு, சோளமாவு, உப்பு, மிளகாய் தூள், மிளகு தூள் கலந்து வைக்கவும்.

வானலில் எண்ணெய் ஊற்றி காய்ந்ததும் ஒரு சிக்கன் துண்டை அந்த ஊற வைத்த கலவையில் இருந்து எடுத்து இந்த மைதா மாவு கலவையில் நன்கு பிரட்டி ஐஸ் தண்ணீரில் முக்கி எடுத்து மறுபடியும் மாவு கலவையில் பிரட்டி நன்றாக உதரி எடுத்து கொள்ளவும்.

இவ்வாறு ஒவ்வொரு துண்டுகளாக பிரட்டி எடுத்து எண்ணெய்யில் போட்டு பொன்னிறமாக பொரித்து வேக வைத்து எடுக்கவும். சுவையான KFC ஸ்டைல் சிக்கன் தயார். நன்றி