முதலில் ஒரு அகலமான பாத்திரத்தில் சாதத்தை எடுத்து கரண்டி அல்லது கையில் மசித்துக் கொள்ளவும்.

மசித்த சாதத்தில் கேரட் புட்டை சேர்க்கவும். (கேரட் புட்டில் வெங்காயம், பச்சை மிளகாய், கறிவேப்பிலை, இஞ்சி சேர்த்து செய்திருக்கிறேன்.) ஒரு மேசைக்கரண்டி அரிசி மாவு, அரைத் தேக்கரண்டி உப்பு சேர்க்கவும்.

நன்கு பிசைந்து சம அளவில் உருண்டைகளாக உருட்டிக் கொள்ளவும்.

ஒரு பாத்திரத்தில் கடலைமாவு, அரிசி மாவு, பெருங்காயத்தூள், மஞ்சள் பொடி, உப்பு, மிளகாய்ப்பொடி சேர்த்து, தேவையான அளவு தண்ணீர் சேர்த்து மாவைக் கரைத்து வைக்கவும்.

உருட்டிய உருண்டைகளைக் கரைத்த மாவில் தோய்த்து எண்ணெயில் பொரித்து எடுக்கவும்.

மீதமுள்ள சாம்பாருடன் பரிமாறவும். சாதமும் கேரட்டும் சேர்ந்து வெந்ததும் மஞ்சள் பொடி சேர்த்து மசித்த உருளைக்கிழங்கு நிறத்தில் இருக்கும். அதனால் பார்ப்பவர்கள் எளிதாக கண்டுபிடிக்க முடியாது.