8 சின்ன வெங்காயம்,6 பல் பூண்டு, தோல் நீக்கி கழுவி பொடியாக நறுக்கி வைக்கவும். தக்காளி-1 கழுவி நறுக்கி வைக்கவும். 1கப் முருங்கைக்கீரையை அலசி கழுவி வைக்கவும். குக்கரில் 2 டேபிள் ஸ்பூன் நெய் விட்டு 1 டீஸ்பூன் சீரகம், 1 வர மிளகாய் தாளிக்கவும்.

அதில் பொடியாக நறுக்கிய சின்ன வெங்காயம்,பூண்டு சேர்த்து வதக்கி தக்காளியை சேர்க்கவும்.நன்கு வதங்கியவுடன் அலசி வைத்த முருங்கைக்கீரையை சேர்த்து வதக்கி 2 கப் தண்ணீர் விட்டு 4 விசில் வேகவிடவும்.

2 டேபிள் ஸ்பூன் சோள மாவை சலித்து எடுத்து வைத்த 1/2 கப் தண்ணீர் விட்டு கரைத்து வைக்கவும். குக்கரில் உள்ள முருங்கைக்கீரையை திறந்து ஆறவிடவும்.

மிக்ஸி ஜாரில் சேர்த்து ஒன்றிரண்டாக அரைத்து வைக்கவும். அரைத்த விழுதை குக்கரில் உப்பு, கரைத்த சோள மாவு சேர்த்து கலக்கி 2 நிமிடம் கொதிக்க விடவும்.

கொதித்தவுடன் ஆறவிட்டு பரிமாறும் பொழுது மிளகுத்தூள் சேர்த்து பரிமாறவும். சுவையான முருங்கைக்கீரை சூப் ரெடி. 😄😄