வெண்டை, வேர்க்கடலை மிளகு வறுவல் (ladies finger, groundnuts pepper fry)

கடாயில் எண்ணை சேர்த்து சூடானதும், கடுகு, உளுந்து, கடலை பருப்பு, வேர்க்கடலை, கறிவேப்பிலை சேர்த்து வதக்கி,பின்பு வெங்காயம் சேர்த்து வதக்கி, அத்துடன் நறுக்கி வைத்துள்ள வெண்டைக்காய், மஞ்சள் தூள் சேர்த்து இரண்டு நிமிடங்கள் வதக்கி, 2 டேபிள் ஸ்பூன் தயிர், உப்பு சேர்த்து கலக்கவும். மிதமான சூட்டில் ஐந்து நிமிடங்கள் மூடி வைக்கவும்.
*** தயிர் சேர்ப்பதால் வெண்டைக்காயில் உள்ள வழுவழுப்புத் தன்மை குறைந்து விடும், அடி பிடிக்காது.

பின்னர் திறந்து மிளகாய் தூள், தனியா தூள், ஒரு டீஸ்பூன் எண்ணை சேர்த்து இரண்டு நிமிடங்கள் நன்கு கலக்கவும். பின்னர் ஒரு டேபிள் மிளகுபொடி, ஒரு டேபிள் ஸ்பூன் வேர்க்கடலை, தேங்காய் துருவல், ஒரு டீஸ்பூன் எண்ணை சேர்த்து வதக்கி இறக்கினால் மிகவும் சுவையான, காரசாரமான வெண்டைக்காய், வேர்க்கடலை மிளகு வறுவல் சுவைக்கதயார்.

*வெண்டைக்காய் வறுபட கொஞ்சம் நேரம் எடுக்கும், எண்ணை கொஞ்சம் அதிகம் சேர்க்கவேண்டும். அப்போது தான் சுவையாக இருக்கும்.

இந்த வறுவல் சாதத்துடன் கலந்து சாப்பிடலாம்.பருப்பு, சாம்பார் சாத துணை உணவாக எடுக்கலாம். சப்பாத்தியுடன் சேர்த்தும் சாப்பிடவும் மிகவும் சுவையாக இருக்கும்.