முதலில் பன்னீரை தயாரித்துக் கொள்வோம். 200 கிராம் பாலை காய வைத்து பொங்கி வரும் போது மிதமான தீயில் வைத்து ஒரு டேபிள் ஸ்பூன் லெமன் ஜூஸ் விடவும். இப்போது பன்னீர் திரண்டு வந்து விடும் அதனை ஒரு வடிகட்டியில் வடித்து அதனை தண்ணீரில் கழுவி (லெமன் வாடை போவதற்காக)எடுத்துக் கொள்ளவும். ஹோம்மேட் பன்னீர் ரெடி

தேவையான பொருட்களை எடுத்துக் கொள்ளவும்

அடுத்து கோஃப்தா தயார் செய்துவிடலாம். ஒரு மிக்சிங் பௌலில் பன்னீரை எடுத்துக் கொள்ளவும் அதனுடன் வேக வைத்து மசித்த உருளைக்கிழங்கை சேர்க்கவும். 1\4 ஸ்பூன் மிளகாய்த்தூள் சேர்க்கவும்

பிறகு தேவையான அளவு உப்பு சேர்த்து சிறிது கொத்தமல்லித் தழை, 2 டேபிள் ஸ்பூன் கார்ன்ஃப்ளார் மாவு சேர்க்கவும்

இதனை நன்கு பிசைந்து சிறு சிறு உருண்டைகளாக உருட்டி மீதமுள்ள கார்ன்பிளார் மாவில் புரட்டி எடுத்துக்கொள்ளவும்.

கடாயில் எண்ணெய் விட்டு காய்ந்ததும் மிதமான தீயில் வைத்து கோஃப்தாக்களை போட்டு சிவக்க பொரித்து எடுக்கவும்.(அதிக தணலில் இருந்தால் உள்ளே வேகாமல் வெளியில் கருத்துவிடும்)

அடுத்து கறி செய்துவிடலாம். கடாயில் சிறிது எண்ணெய் விட்டு காய்ந்ததும் முந்திரிப் பருப்பு, இஞ்சி, பூண்டுபல் சேர்த்து வதக்கவும், பிறகு வெங்காயம் சேர்த்து நன்கு வதக்கி மல்லித்தூள், 1.3\4 ஸ்பூன் மிளகாய்த்தூள், கரம் மசாலா பொடி, சீரகப் பொடி சேர்த்து மிதமான தீயில் வைத்து வதக்கவும்

மசாலாக்கள் நன்கு பச்சை வாடை போக வதக்கி பிறகு தக்காளி சேர்த்து வதக்கவும்

எல்லாம் நன்கு எண்ணெய் பிரிந்து வதங்கி வந்ததும் ஆறவைத்து மிக்ஸியில் அரைத்து விழுதாக எடுத்துக் கொள்ளவும்

அதே கடாயில் சிறிதளவு எண்ணெய் விட்டு சீரகம் தாளித்து, அரைத்த விழுதை ஊற்றவும்

1\4கப் அளவு தண்ணீரை மிக்ஸி ஜாரை கழுவி ஊற்றவும். பிறகு தேவையான அளவு உப்பு சேர்த்து ஒரு கொதி வந்ததும் 1 நிமிடத்திற்கு பிறகு தயிர் சேர்க்கவும்

பிறகு அடுப்பை மிதமான தீயில் வைத்து 1\4 கப் பால் சேர்க்கவும். இறுதியாக பொரித்த கோஃப்தாக்களை போட்டு கொத்தமல்லி தழை தூவி இறக்கவும்

ஹோம்மேட் பன்னீர் ஆலு கோஃப்தா கறி ரெடி