மேற்கூறிய தேவையான பொருட்களை தயாராக எடுத்து வைத்துக் கொள்ளவும். ஒரு பெரிய வெங்காயத்தை நீளவாக்கில் சன்னமாக அறிந்து கொள்ளவும். ஒரு தக்காளியை பொடியாக அரிந்து கொள்ளவும். ரெண்டு டேபிள்ஸ்பூன் அளவிற்கு கொத்தமல்லி தழை பொடியாக அரிந்து கொள்ளவும்.ஒரு ஸ்பூன் இஞ்சி பூண்டு விழுது ரெடி செய்து கொள்ளவும். மசாலா சாமான்கள் எடுத்துக் கொள்ளவும். மிளகாய்த் தூள், கொத்தமல்லித் தூள், உப்பு, கரம் மசாலா, மஞ்சள் தூள் எடுத்து வைத்துக் கொள்ளவும்.

ஒரு கப் சிவப்பு பின்சை முதல் நாள் இரவே ஊற வைத்துக் கொள்ளவும்.மறுநாள், ஊறிய பீன்ஸை இரண்டு சவுண்ட் குக்கரில் வைத்து வேக விட்டுக் கொள்ளவும். ஒரு கப் பாஸ்மதி அரிசியை பிரியாணி செய்வதற்கு 20 நிமிடத்திற்கு முன் ஊற வைத்துக் கொள்ளவும்.

பிரஷர் பேனில் ஒரு டேபிள்ஸ்பூன் நெய் சேர்த்து உருக்க விட்டு அதில் ஒரு பிரிஞ்சி இலை, ஒரு பட்டை, 3 லவங்கம்,1ஸ்டார் மொட்டு, கால் ஸ்பூன் மிளகு, மற்றும் ஒரு ஸ்பூன் சீரகம் சேர்த்து லேசாக சிவக்க வதக்கி கொள்ளவும். சன்னமாக அரிந்தஒரு பெரிய வெங்காயத்தை சேர்த்து வதக்கவும். ஒரு நிமிடம் கழித்து ஒரு ஸ்பூன் இஞ்சி பூண்டு விழுது சேர்த்து வதக்கவும்.அதன் பிறகு பொடியாக அறிந்த ஒரு தக்காளியை சேர்த்து நன்கு வதக்கிக் கொள்ளவும்.

பிறகு அதில் மஞ்சள்தூள், கஷ்மிரி வரமிளகாய்த்தூள், வரக்கொத்தமல்லி தூள், கரம் மசாலா தூள், உப்பு சேர்த்து நன்கு வாசம் வரும் வரை வதக்கிக் கொள்ளவும். பிறகு இரண்டு சவுண்ட் விட்டு வேக வைத்த சிவப்பு பீன்ஸ் சேர்த்து நன்கு வதக்கவும். அதன் பிறகு 20 நிமிடம் ஊறிய பாஸ்மதி அரிசியை தண்ணீர் வடித்து விட்டு இவற்றுடன் சேர்த்து ஒரு நிமிடம் வதக்கிக் கொள்ளவும்.

அரிசி எல்லாவற்றுடனும் சேர்த்து நன்கு கலக்கி சூடு ஏறிய உடன் 2 கப் தண்ணீர் சேர்த்து பொடியாக நறுக்கிய கொத்தமல்லித்தழை சேர்க்கவும். குக்கரை மூடி விசில் போட்டு அடுப்பை சிம்மில் வைத்து இரண்டு சவுண்ட் விடவும். அல்லது அடுப்பை சிம்மில் வைத்து 20 நிமிடம் விடவும். அடுப்பை நிறுதவிடவும்.பிறகு குக்கரில் ஆவி அடங்கியவுடன் திறந்து கரண்டி கொண்டு நன்கு கலந்து விடவும்.

சூடாக ஹாட் பேக்கில் மாற்றி வைத்துக்கொள்ளவும். தொட்டுக்கொள்ள வெங்காய தயிர் பச்சடி, சிப்ஸ் போன்றவை நன்றாக இருக்கும். சுவையான ராஜ்மா புலாவ் ரெடி.